BAKI, 28 oktyabr — Sputnik. Çinli qadın 67 yaşında ana olub. Sputnik Azərbaycan "South China Morning Post" nəşrinə istinadən xəbər verir ki, yeni doğulmuş qız uşağının çəkisi 2,6 kiloqramdır.
Xəstəxanada uşağın dünyaya gəlmə faktını təsdiqləyiblər, lakin detalları açıqlamayıblar.
Qeyd olunur ki, Tian soyadlı qadın Çində dünyaya uşaq gətirmiş ən yaşlı ana olub.
Nəşrin verdiyi məlumata görə, körpə hazırda həkimlərin nəzarəti altındadır. Həkimlər qadının bütün hamiləlilik dövrü ərzində ona nəzarət ediblər.
Körpənin atasının vəkil, anasının isə tibb bacısı olduğu bildirilir. Onların bir oğlu və bir qızı, eləcə də bir neçə nəvələri var.