BAKI, 26 oktyabr — Sputnik. Rusiyanın Altay diyarında "Fiat Ducato" markalı mikroavtobus "Nissan" markalı avtomobillə toqquşub. Sputnik Azərbaycan "RİA Novosti"yə istinadən xəbər verir ki, qəza nəticəsində 8 nəfər ölüb.
Məlumata əsasən, qəza bu gün səhər saatlarında A-322 federal trassının 74-cü kilometrində baş verib. Qəza nəticəsində biri uşaq olmaqla 8 nəfər həlak olub. Daha 5 nəfər isə yaralanıb. Onların vəziyyətinin isə ağır olduğu bildirilib.
Hazırda faktla bağlı araşdırmalar gedir.