BAKI, 23 oktyabr — Sputnik. Müğənni Xatirə İslam ana olmaq arzusundadır.
Sputnik Azərbaycan xəbər verir ki, müğənni bu yaxınlarda ana olmuş 64 yaşlı xanımı ziyarət edib. Bu haqda öz "Instagram" səhifəsində paylaşım edən Xatirə "mən də həvəsləndim" deyə fikirlərini bölüşüb: "64 yaşlı qadının əkiz övladı oldu. Mən dəyərli doktorumu ziyarətə gəldim. Bu böyük uğurdur. Mən də həvəsləndim. Yeni ana olan xanım Vasif Məhərrəmlini görmək istədiyini bildirdi. Yəqin ki, o da gələr".
Qeyd edək ki, 38 yaşlı müğənni 2012-ci ildə ailə həyatı qurub. Bu nikahdan Xatirə İslamın Emil adlı bir övladı da var.