BAKI, 22 oktyabr — Sputnik. Qusarda dərəyə düşən şəxsin meyiti tapılıb.
Sputnik Azərbaycan-ın APA-ya istinadla verdiyi məlumata görə, 1987-ci il təvəllüdlü Sərxanov Sərxan Sahib oğlunun cəsədi Kuruq kəndinin dərəsi adlanan yerdə aşkarlanıb.
Ərazi sərt qayalıqdan ibarət olduğu üçün onun meyitinin çıxarılmasına Fövqəladə Hallar Nazirliyinin əməkdaşları cəlb ediliblər.
Qeyd edək ki, bundan əvvəl Fövqəladə Hallar Nazirliyi oktyabrın 21-də Qusar rayonunun Buğur kəndi ərazisində, mürəkkəb relyefli yüksək dağ massivində 1987-ci il təvəllüdlü Sərxanov Sərxan Sahib oğlunun hündürlükdən yıxılaraq dərəyə düşdüyü barədə məlumat yaymışdı.
Faktla bağlı Qusar rayon Prokurorluğunda araşdırmalar aparılır.