BAKI, 20 oktyabr — Sputnik. Şamaxıda motosiklet aşıb.
Sputnik Azərbaycan APA-ya istinadən bildirir ki, qəza Bakı-Şamaxı-Yevlax yolunun Ağsu aşırımından keçən hissəsində baş verib. Bir neçə motosikletin olduğu karvan hərəkət edən zaman yola qoyun sürüsü çıxıb. Motosiklet sürücülərindən biri, Almaniyanın Ausberq şəhər sakini, 1996-cı il təvəllüdlü Feliks Antoniyus idarəetməni itirib. Nəticədə motosiklet aşıb və sürücünün qolu sınıb, müxtəlif dərəcəli bədən xəsarəti alıb.
Yaralı Şamaxı Rayon Mərkəzi Xəstəxanasına yerləşdirilib. Faktla bağlı araşdırma aparılır.