BAKI, 14 oktyabr — Sputnik. Azərbaycanın Avroviziya yarışmasındakı qalibi Nigar Camal yeni dueti haqqında anons verib.
Sputnik Azərbaycan xəbər verir ki, müğənni bu haqda öz "Instagram" hesabında paylaşım edib. Videogörüntüdə artıq klip çəkilişlərinə start verildiyi əks olunub. Görüntüdən çəkilişlərin Lənkəranda getdiyi bəlli olub. Nigar Camalın duet ortağı isə tanınmış müğənni, muğam ifaçısı, Respublikanın əməkdar artisti Aygün Bəylərdir.
Qeyd edək ki, "Sevgi nəğməsi" adlanan mahnının sözləri İkram Əliyevə, musiqisi Nigar Camala məxsusdur. Klipin nə zaman nümayiş olunacağı barədə isə heç bir məlumat verilməyib.