BAKI, 12 oktyabr — Sputnik. Rusiya istənilən hava hücumundan müdafiə (HHM) sistemlərindən yayına bilən zərbə kompleksləri yaradacaq. Sputnik Azərbaycan "RİA Novosti"-yə istinadən xəbər verir ki, bunu Rusiya Prezidenti Vladimir Putin "Al Arabiya", "Sky Nеws Arabia" və "RT Arabic" telekanallarına müsahibəsində bildirib.
"Biz istənilən HHM sistemindən yayına bilən zərbə komplekslərinin üzərində işləməyə davam edəcəyik. Biz bunu edəcəyik. Çünki artıq aydındır ki, HHM sistemləri ballistik trayektoriya ilə uçan ballistik raketlərə qarşı işləyir. Biz isə onları dəfələrlə təkmilləşdirdik. Bunda əlavə, biz dünyada hələki heç kimdə olmayan digər silahı yaratdıq", - deyə Putin qeyd edib.
Xatırladaq ki, hazırda dünyada ən sanballı HHM sistemləri "Patriot" və "C-400"dür. İkincini Rusiyadan əldə etmək üçün Türkiyə ənənəvi müttəfiqi ABŞ-la münasibətlərini belə pozmalı oldu.