Kamal Almuradlı, Sputnik Azərbaycan
BAKI, 8 oktyabr — Sputnik. Gürcüstanın paytaxtı növbəti dəfə "Tbilisoba" bayramını qeyd edib. Sputnik Azərbaycan xəbər verir ki, 3 gün davam edən bayramda dünyanın dörd bir tərəfindən gələn minlərlə turist iştirak edib. Tədbirlə əlaqədar Tbilisinin mərkəzi küçələri bağlanıb. İnsanlar hazırladıqları məhsulları satışa çıxarıblar. Eyni zamanda, Gürcüstanın müxtəlif musiqi və rəqs qrupları, idmançılar öz istedadlarını nümayiş etdiriblər.
Qeyd edək ki, 1979-cu ildən qeyd olunan bayram Gürcüstanla yanaşı, bir neçə postsovet ölkəsində - Rusiya, Belarus və Ukraynada da keçirilir. 2018-ci ildə verilən qərara əsasən, "Tbilisoba" hər il oktyabrın ilk həftəsinin istirahət günlərində qeyd olunur.