BAKI, 6 oktyabr - Sputnik. Rusiyanın Nijniy Novqorod vilayətində içərisində turistlərin olduğu avtobus aşıb, 20 nəfər xəsarət alıb.
RİA Novosti-nin verdiyi məlumata görə, Saratovdan Bolşoye Boldinoya gedən avtobus Qaginsk rayonunun Panovo-Osanovo kəndi yaxınlığında aşıb.
İlkin məlumata görə, qəzaya səbəb sürücünün döngədə idarəetməni itirməsi olub. Xəsarət alanlar xəstəxanaya çatdırılıb.