BAKI, 5 oktyabr — Sputnik. Milandakı "San-Siro" meydançasındakı vintvari pilləkəndə yaşanan optik illüziya sosial şəbəkə istifadəçilərini çaş-baş salıb.
Sputnik AzərbaycanRİA-Novosti-yə istinadən bildirir ki, Twitter-də paylaşılan videonu 60 min istifadəçi bəyənib, xeyli şərhlər yazılıb.
""San-Siro"nu tərk edən insanlara baxanda adama elə gəlir ki, bütün spiralvari konstruksiya hərəkət edir", - paylaşımın müəllifi yazıb.
İnsanların çoxu pilləkanın doğrudan hərəkət edib-etmədiyi ilə maraqlanıb. Bəziləri isə memarın işini tərifləyiblər.
Videonun altında "Bu eskalatordur? Ancaq bu halda video montaj deyil, gerçək ola bilər", "Bu necə olur ki, o tərpənmir? Lap çaşdım", "O dönür, məni heç kim bunun əksinə inandıra bilməz", "Əsl hərəkətdə olan dizayn", "Mənim beynim xəstələndi" kimi şərhlər yazılıb.