BAKI, 5 oktyabr — Sputnik. Xalq artisti Ofelya Sənaninin ürəyində anju əməliyyatı aparılıb.
Sputnik Azərbaycan APA-ya istinadən bildirir ki, bu barədə Bakı Ürək Mərkəzinin kardioloqu Şahin Xəlilov məlumat verib. Onun sözlərinə görə, Xalq artistinin vəziyyəti hazırda stabildir və müalicəsini davam etdirir.
Xatırladaq ki, Kliniki Tibbi Mərkəzə yerləşdirilən Ofeliya Sənaniyə ürəyin ön və arxa divarının infarktı diaqnozu qoyulmuşdu.