Millətlər Liqasının 2020/21 mövsümündə “A”, “B” və “C” liqalarında 16 komanda, “D” liqasında isə yeddi komanda oynayacaq. 55 millinin hamısı 2018/19 Millətlər Liqasının debüt püşkatmasında tutduqları yerlərə uyğun olaraq dörd liqaya ayrılıblar.
“A” liqası
Portuqaliya (çempion), Niderland, İngiltərə, İsveçrə, Belçika, Fransa, İspaniya, İtaliya, Bosniya və Herseqovina, Ukrayna, Danimarka, İsveç, Xorvatiya, Polşa, Almaniya, İslandiya
“B” liqası
Rusiya, Avstriya, Uels, Çexiya, Şotlandiya, Norveç, Serbiya, Finlandiya, Slovakiya, Türkiyə, İrlandiya, Şimali İrlandiya, Bolqarıstan, İsrail, Macarıstan, Rumıniya
“C” liqası
Yunanıstan, Albaniya, Monteneqro, Gürcüstan, Şimali Makedoniya, Kosovo, Belarus, Kipr, Estoniya, Sloveniya, Litva, Lüksemburq, Ermənistan, Azərbaycan, Qazaxıstan, Moldova
“D” liqası
Cəbəllütariq, Farer adaları, Latviya, Lixtenşteyn, Andorra, Malta, San-Marino
2018/19 mövsümündən sonra Millətlər Liqasının reqlamenti niyə dəyişdirildi?
Millətlər Liqasının reqlamenti UEFA-ya daxil olan 55 milli assosiasiyaların hamısı ilə məsləhətləşdikdən sonra dəyişilib. Onlar yoldaşlıq görüşlərinin sayını azaltmaq istəklərini bildirdilər. Bundan əlavə, idman prinsiplərinə hörmət ediləcək - dörd iştirakçıdan ibarət hər qrupun bütün komandaları son görüşlərini eyni vaxtda keçirəcəklər. Turnir çərçivəsində rəsmi matçların sayı 138-dən 162-ə qədər artacaq və bununla da Millətlər Liqasının kommersiya dəyəri artacaq.
2019-cu ilin yayında Portuqaliyada böyük bir uğurla keçirilmiş final mərhələsinin konsepsiyası dəyişməz olaraq qalacaq. “A” liqasının qruplarının dörd qalibi ən güclünün bəlli olacağı final turnirinə keçəcəklər.
Millətlər Liqasının təqvimi
Liqanın püşkatması: 2020-ci il martın 3-ü, Amsterdam
1-ci tur: sentyabrın 3-5-i, 2020-ci il
2-ci tur: sentyabrın 6-8-i, 2020-ci il
3-cü tur: oktyabrın 8-10-u, 2020-ci il
4-cü tur: oktyabrın 11-13-ü, 2020-ci il
5-ci tur: noyabrın 12-14-ü, 2020-ci il
6-cı tur: noyabrın 15-17-i, 2020-ci il
Final mərhələnin püşkatması: daha sonra müəyyənləşəcək
Final mərhələsi: iyunun 2-6-ı, 2021-ci il