BAKI, 25 sentyabr — Sputnik. ABŞ Nümayəndələr Palatası Prezident Donald Trampa qarşı impiçment proseduruna başlayıb. Sputnik AzərbaycanRİA Novosti-yə istinadən xəbər verir ki, bunu Nümayəndələr Palatasının spikeri Nensi Pelosi açıqlayıb.
O vurğulayıb ki, Amerika prezidenti də daxil olmaqla, heç kim qanundan üstün ola bilməz.
Prosedurun başlanmasına səbəb isə Donald Trampın Ukrayna rəhbərliyindən prezident seçkilərində öz əsas rəqibi Co Baydenə qarşı istifadə etmək cəhdi, həmçinin bu cəhdi gizlətmək üçün addımlar atması ittihamıdır.
Prezident isə bu ittihamları tamamilə rədd edib. O, həmçinin Ukrayna Prezidenti Vladimir Zelenski ilə telefon danışığının stenoqramını yayacağını bildirib. Trampın fikrincə, baş verənlərdə əsas məqsəd Ukraynada oğlunun adı korrupsiyada hallanan Baydeni təmizə çıxarmaqdır.
Xatırladaq ki, bundan əvvəl ABŞ tarixində impiçment proseduru cəmi üç dəfə həyata keçirilib.