BAKI, 20 sentyabr — Sputnik. Türkiyədə yerləşdirilən "S-400 Triumf" zenit-raket sistemləri 5-ci nəsil "F-35 Lightning II" qırıcılarının işini poza bilər. Sputnik Azərbaycan "RİA Novosti"-yə istinadən xəbər verir ki, bu barədə Rusiya Müdafiə Nazirliyi məlumat yayıb.
"Pentaqonun Türkiyəyə məxsus "S-400" zenit-raket komplekslərinin "F-35" qırıcılarının işini poza biləcəyinə dair narahatlıq və qorxusu əsassız deyil", - deyə məlumatda bildirilir.
Məlumatda həmçinin vurğulanır ki, 5-ci nəsil "F-22 Raptor" və "F-35 Lightning II" qırıcıları yalnız ABŞ vergi ödəyiciləri və xarici alıcılar üçün "gözə görünməzdir".