BAKI, 17 sentyabr — Sputnik. Hacıqabul rayonunda ağır yol-nəqliyyat hadisəsi baş verib.
Sputnik Azərbaycan APA-ya istinadən bildirir ki, hadisə saat 04.30-da Bakı-Qazax magistral yolunun Padar kəndi ərazisindən keçən hissəsində qeydə alınıb.
Evakuatoru idarə edən sürücünün yuxulaması nəticəsində avtomobil yolun kənarında dayanan “KamAZ” markalı avtomobilə çırpılıb. Nəticədə evakuatorda olan sərnişin, Gəncə sakini, 1980-ci il təvəllüdlü Dünyamalıyev Taleh Fərman oğlu ağır vəziyyətdə - ayaqlarının travmatik amputasiyası və travmatik şok diaqnozu ilə Şirvan şəhər xəstəxanasına yerləşdirlib və əməliyyata götürülüb.
Faktla bağlı Baş Dövlət Yol Polisi tərəfindən araşdırma aparılır.