BAKI, 16 sentyabr — Sputnik. Türkiyədə "S-400" zenit-raket komplekslərinin bəzi hissələrini istehsal etmək mümkündür. Sputnik Türkiyə xəbər verir ki, bunu Rusiyanın "RBK" telekanalına açıqlamasında "Rostex" şirkətinin rəhbəri Sergey Çemezov bildirib.
"S-400" çox yüksək texnologiyaya məxsus bir sistemdir. Sıfırdan istehsala başlamaq mümkün deyil. Lakin onun bəzi hissələrini istehsal etmək mümkündür. Bu hissələrin hansı olduğunu açıqlamayacağam", - deyə Çemezov "Türkiyə ilə "S-400" zenit raket komplekslərinin bəzi hissələrini istehsal edəcəyini demişdiniz. O hissələr hansılardır" sualını cavablandırarkən bildirib.
O, eyni zamanda qeyd edib ki, Hindistanla da "S-400" sisteminin hissələrinin birgə istehsalı da müzakirə olunur.