BAKI, 14 sentyabr — Sputnik. Daşkəsən şəhərində orta yaşlı kişinin xəsarət alaraq komaya düşüb.
Sputnik Azərbaycan "Report"a istinadən bildirir ki, şəhərin mərkəzi bazarının yaxınlığında içərisində sürücüsü olmayan "Zil" markalı yük maşını anidən arxaya hərəkət edərək "VAZ-21011" markalı avtomobilə çırpılıb.
Nəticədə minik maşının sürücü, 1971-ci il təvəllüdlü Nizaməddin Hüseynov ağır kəllə-beyin travması alıb. O, koma vəziyyətində Gəncə şəhərindəki xəstəxanalardan birinə yerləşdirilib. Faktla bağlı araşdırma aparılır.