BAKI, 14 sentyabr — Sputnik. Bakıda universitet tələbəsi vəfat edib. Sputnik Azərbaycan-ın məlumatına görə, bu barədə Facebook sosial şəbəkəsinin "Azərbaycan Universitetləri" səhifəsində xəbər verilib.
Məlumata görə, keçmiş Qafqaz Universitetinin, hazırki Bakı Mühəndislik Universitetinin Maliyyə ixtisası üzrə təhsil alan Nihat Mirzəzadə qəfil beyninə qan sızması nəticəsində dünyasını dəyişib. O, bir çox intellektual oyunların qalibi olub. Qeyd edək ki, 4-cü kurs tələbəsi olan Nihad ali məktəbə 677 balla qəbul olub.