Məşhur azərbaycanlı müğənni Nura Suri Qubada fotosessiya çəkdirib. Suri Sputnik Azərbaycan-a bildirib ki, layihənin fotoqrafı kimi Məhəbbət Nəsirovu seçib. Müğənni bu fotosessiyadakı obrazını da özü düşünüb.
"Don mənim sifarişim əsasında özəl olaraq tikilib. Bu, əl işidir. Saçlarımı həmişə tamamilə etibar elədiyim Babək Qədirov düzəldib. Mən çoxlu stilistlərlə işləmişəm. Onların arasında mənim uğurlu obrazımı yaradanlar da olub, uğursuz obrazımı da. Məncə oz obrazımı özüm yaradanda daha yaxşı görünürəm. Hətta bu dəfə fotosessiya zamanı makiyajımı belə özüm eləmişəm", - deyə Suri bildirib.
Qeyd edək ki, Nura Suri son zamanlar tez-tez öz pərəstişkarlarını yeni mahnı və klipləri ilə sevindirir. O, hazırda yeni layihə üzərində işləyir.