BAKI, 1 sentyabr — Sputnik. Rusiyanın Müdafiə Nazirliyi YouTube kanalında "İskəndər" operativ-taktik raket kompleksinin döyüş təlimləri zamanı istifadəsinə dair video yerləşdirib.
Sputnik Azərbaycan bildirir ki, kadrlarda raketin buraxılışına hazırlıq, buraxılma anı, raketin uçuşu və təlim hədəfinin məhv edilməsi anları əks olunub.
Raketin buraxılmasını Şərq hərbi dairəsinin hərbçiləri gerçəkləşdiriblər. Müdafiə Nazirliyindən bildiriblər ki, hədəf "şərti düşmənin kritik vaciv obyektini" imitasiya edirdi və məhv edildi. Zərbəni "Orlan-10" pilotsuz uçan aparatı görüntüləyib.