BAKI, 31 avqust — Sputnik. Dövlət İmtahan Mərkəzi (DİM) 2019-cu ildə keçiriləcək imtahan və tədbirlərin dəqiq tarixlərini elan edib.
Sputnik Azərbaycan-a DİM-dən verilən məlumata görə, 9 illik orta təhsil bazasında boş qalan yerlərə qəbul olan abituriyentlərin qəbul olduqları təhsil müəssisələrində qeydiyyatı 4 sentyabr – 11 sentyabr arası keçiriləcək. 11 illik orta təhsil bazasında boş qalan yerlərə qəbul olan abituriyentlərin qəbul olduqları təhsil müəssisələrində qeydiyyatı 6-11 sentyabrda baş tutacaq. TOEFL imtahanın keçirilmə tarixi isə sentyabrın 7-nə təsadüf edəcək.