BAKI, 29 avqust — Sputnik. Tərtər rayonunda döyüş sursatı partlayıb.
Sputnik Azərbaycan "Report"a istinadla xəbər verir ki, hadisə Təzəkənd kəndində qeydə alınıb.
Belə ki, əl qumbarasının partlaması nəticəsində bir nəfər hadisə yerində ölüb, bir nəfər isə ağır dərəcəli bədən xəsarətləri alıb. Yaralı Tərtər Rayon Mərkəzi Xəstəxanasına çatdırılıb, daha sonra isə Bərdə Rayon Mərkəzi Xəstəxanasına göndərilib.
Hazırda ölən və yaralanan şəxslərin şəxsiyyəti dəqiqləşdirilir.
Faktla bağlı araşdırma aparılır.