Rahim Zakiroğlu, Sputnik Azərbaycan
BAKI, 28 avqust — Sputnik. Bu gün axşam saatlarında Lənkəranda dəhşətli qəza baş verib.
Sputnik Azərbaycan-ın bölgə müxbiri xəbər verir ki, rayonun Bəliton dağ kəndində avtobus aşıb. Hadisə nəticəsində ilkin məlumata görə, 10 nəfər yaralanıb. Avtobusun sürücüsü hadisə yerində həlak olub.
Qəzada xəsarət alanların əksəriyyətini kənd camaatı öz minik avtomobilləri ilə Lənkəran Rayon Mərkəzi Xəstəxanasına gətirib.
Hadisə yerində polis şöbəsinin əməkdaşları işləyirlər.