Bazar günü Bakı şəhərinin düz mərkəzində, "Salaam Cinema Baku" kinoteatrının həyətində əsl "bit bazarı" təşkil olunub. Burada vintaj və antikvar əşyaları, köhnə qrammofon vallarını, əl işlərini, paltar və kitabları almaqla yanaşı, yaxşı vaxt keçirmək və yeni insanlarla tanış olmaq mümkün idi. Qızmar günəşə baxmayaraq, tədbirə yığışanların sayı az deyildi. Elə buradaca satılan evdə hazırlanmış sərinləşdirici içkilər isə istidən qurtulmağın ən yaxşı yolu idi.
Qeyd edək ki, satışlardan əldə edilən gəlirin bir hissəsi xeyriyyə məqsədləri üçün xərclənəcək.