BAKI, 22 avqust — Sputnik. Çərşənbə axşamı keçirilmiş mərasimdə İran Prezidenti Həsən Ruhani yerli istehsal olan "Bavər-373" raketdən müdafiə sistemini təqdim edib.
Sputnik Azərbaycan xəbər verir ki, raketin təqdimatının videogörüntüləri İran mediası tərəfindən yayımlanıb.
Bir müddət öncə İran Müdafiə Nazirliyinin Müfəttişlik Şöbəsinin rəisi, 2-ci dərəcəli briqada generalı Səyid Şabanian bəyan edib ki, İranın yeni hava hücumundan müdafiə sistemi "Bavər-373" ölkənin silahlı qüvvələrində istifadə üçün hazırdır.
"Bavər-373" Rusiya istehsalı olan "S-300" sisteminin İranda layihələndirilmiş versiyasıdır. Lakin bu sistemin "S-300"lərlə müqayisədə daha üstün olduğu iddia olunur.
"Bavər-373" sistemi 300 km radiusda 65 kilometrədək hündürlükdə uçan hədəfləri vura bilir.