Leyla Abdullayeva, Sputnik Azərbaycan
BAKI, 20 avqust — Sputnik. Şabran şəhərində bu dəqiqələrdə bina yanır.
Sputnik Azərbaycan-ın böləgə müxbirinin verdiyi məlumata görə, şəhərdəki 4 mərtəbəli əlillər binasında güclü yanğın başlayıb.
Hadisə yerinə yanğınsöndürən briqadalar, tibbi yardım briqadaları cəlb olunub. Polis əməkdaşları və İcra Hakimiyyətinin nümayəndələri də ərazidədirlər.
Məlumata görə, hələlik yalnız birinci mərtəbədən sakinləri təxliyə etmək mümkün olub. Yuxarı mərtəbələrdə isə sakinlər xilas olunacaqları dəqiqəni gözləyirlər.
Yanğının zirzəmidən başladığı bildirilir. Ancaq ilkin səbəblər hələ məlum deyil.
Hadisə diqqətimizdədir, əlavə məlumat verəcəyik.