BAKI, 18 avqust - Sputnik. Xaçmaz və Xızı rayon Polis şöbələrinə yeni polis rəisləri təyin olunub.
APA-nın verdiyi xəbərə görə, Daxili İşlər naziri, general-polkovnik Vilayət Eyvazovun müvafiq əmrinə əsasən Xızı RPŞ-nin rəisi Həmid Həsənov Xaçmaz RPŞ-nin rəisi təyin olunub.
Suraxanı rayon Polis İdarəsinin qeydiyyat və şəxsiyyət vəsiqəsi bölməsinin rəisi Faiq Quliyev isə Xızı RPŞ-nin rəisi təyin edilib.