BAKI, 18 avqust - Sputnik. Bakı-Quba yolunda xəsarətlə nəticələnən avtomobil qəzası baş verib.
"Report"un verdiyi məlumata görə, hadisə yolun Siyəzən rayonu ərazisində qeydə alınıb.
"Nissan Sentra" markalı, "90-BP-007" dövlət seriya nişanlı avtomobil ötmə əməliyyatını düzgün yerinə yetirmədiyindən yolun sağ kənarındakı çökəkliyə düşüb. Hadisə zamanı avtomobildə olan bir ailənin azyaşlı övladı yüngül xəsarət alıb.
Faktla bağlı araşdırma aparılır.