BAKI, 15 avqust — Sputnik. İsveçin Karolinska İnstitutunun alimləri apardıqları araşdırma zamanı insanların qan qrupu ilə xərçəng xəstələyinin inkişafı arasında bağlantı olduğunu aşkarlayıblar. Bu barədə Sputnik Azərbaycan xəbər verir.
Alimlərin araşdırmasına görə, 0 qan qrupuna sahib insanlar xərçəngə qarşı daha çox immunitetə malikdirlər.
Araşdırma çərçivəsində 35 il ərzində bir milyondan çox insanın məlumatları dəyərləndirilib.
Məlumatda qeyd olunur ki, A qan qrupuna sahib şəxslərin mədə xərçənginə tutulma riskinin daha çox olduğu müəyyənləşdirilib.
Qan qrupu B və AB olan şəxslərin isə mədəaltı vəzi xərçənginə tutulma riski daha çoxdur.
Alimlər eyni zamanda xərçəng şişlərinin meydana gəlməsinin çox vaxt alkoqol, siqaret və steroid olmayan iltihab əleyhinə dərmanlardan qaynaqlandığını bildirib.