BAKI, 14 avqust — Sputnik. Dünyaca ünlü italyan rəqqasə Siel Çingiz Mustafayevin "Avroviziya-2019"da Azərbaycanı təmsil etdiyi "Truth" ("Həqiqət") mahnısının ritmləri altında etdiyi möhtəşəm rəqsi ilə sosial şəbəkə istifadəçilərini şoka salıb.
Sputnik Azərbaycan-ın məlumatına görə, rəqqasə bu rəqsin videoçarxını özünün "Instagram" sosial şəbəkəsindəki səhifəsində yerləşdirib. Sielin qeyri-adi hərəkətləri həm izləyiciləri valeh edib, həm də yaxşı mənada şoka salıb. Mustafayev özü də rəqqasənin çarxını öz səhifəsində "O nə edir?" yazaraq paylaşıb.
Siel artıq uzun illərdir rəqqasəliklə məşğul olur. O, həmişə ən populyar kompozisiyaların ritmləri altında rəqs nömrələri nümayiş etdirir. Qız öz həmkarlarından rəqs edərkən sifətini həmişə qara maskada gizlətməklə fərqlənir.
Çingiz Mustafayev Almaniyanı silkələdi>>
Çingiz Mustafayev "Yeni ulduz" layihəsində (ATV) qalib gələndən sonra populyarlaşıb. O, həmçinin gənc ifaçıların beynəlxalq "Yeni Dalğa" müsabiqəsində, "O səs Türkiyə" və "Ukraynanın səsi" vokal layihələrində də iştirak edib. O, bir sıra musiqi nominasiyalarının laureatı, gənc nəslin ən çox tələb etdiyi ifaçılardan biridir. Müğənni "Avroviziya-2019"-da 8-ci yeri tutub.