BAKI, 10 avqust — Sputnik. Türkiyə Hərbi Hava Qüvvələri (HHQ) İraqın şimalında əməliyyat keçirib. Sputnik Azərbaycan "Anadolu" agentliyinə istinadən xəbər verir ki, bu barədə Türkiyənin Müdafiə Nazirliyi məlumat yayıb.
Nazirlik qeyd edib ki, "Pəncə Hərəkatı" ilə koordinasiyalı şəkildə aparılan əməliyyat İraqın şimalında Metina və Haftani bölgələrində keçirilib.
Aviazərbələr nəticəsində 6 terrorçu və PKK-nın istifadə etdiyi silah-sursat, sığınacaq və mağaralar məhv edilib.
Xatırladaq ki, ötən həftə Türkiyə Hərbi Hava Qüvvələri (HHQ) İraqın şimalında əməliyyat keçirib. Türkiyəyə məxsus hərbi təyyarələr İraqın şimalına – Metina və Avaşin bölgələrinə aviazərbələr endirib. Aviazərbələr nəticəsində 5 terrorçu zərərsizləşdirilib.