BAKI, 3 avqust — Sputnik. Ali təhsil müəssisələrinə qəbul imtahanlarında müsabiqə şərtlərini ödəyən abituriyentlərin ixtisas seçimi davam edir. Dövlət İmtahan Mərkəzindən Sputnik Azərbaycan-a verilən məlumata görə, bu gün günorta saatlarına kimi I ixtisas qrupu üzrə 13952, II ixtisas qrupu üzrə 11525, III ixtisas qrupu üzrə 14786, IV ixtisas qrupu üzrə 3680 nəfər ərizəsini təsdiqləyib. V qrup üzrə ərizəsini təsdiqləyənlərin sayı 4925 nəfərdir. Xatırladaq ki, ərizə qəbulu avqustun 6-dək davam edəcək.