BAKI, 2 avqust — Sputnik. Bərdə rayonunda güllələnmə hadisəsi baş verib.
Sputnik Azərbaycan "Report"a istinadən bildirir ki, hadisə rayonun Seyidyusifli kəndində qeydə alınıb. Tərtər rayon Xoruzlu kənd sakini güllə yarası ilə Bərdə rayon Mərkəzi Xəstəxanasına yerləşdirilib. Xəstəxanadan verilən məlumata görə, 3 güllə yarası alan E. Nəcəfov əməliyyat olunub. Hazırda reanimasiya şöbəsində olan yaralının vəziyyəti orta ağırdır.
Faktla bağlı rayon prokurorluğunda araşdırma aparılır.