BAKI, 2 avqust — Sputnik. Di Kaprio və Bred Pitt müxtəlif nominasiyalarda "Oskar"a namizəddirlər.
Sputnik AzərbaycanRİA Novosti-yə istinadən xəbər verir ki, ekspertlərin təxmininə görə, Leanardo Di Kaprio "Bir vaxtlar Hollivudda" filmində canlandırdığı baş rol üçün "Oskar" almağa daha yaxındır.
Bred Pittin isə çox güman ki, ikinci plan roluna görə namizədliyi irəli sürüləcək. Amerika Kino Akademiyasının nümayəndəsi bildirib ki, aktyorların hər ikisi filmdə eyni müddətdə olsalar da, hadisələr Di Kaprionun ifa etdiyi Rik Dalton rolunun ətrafında cərəyan edir.
Digər mütəxəssislərin fikrincə, bir çoxları Bred Pittin baş rol oynadığını iddia etsələr də, "Oskar" almaq üçün aktyor "İkinci plan aktyoru" nominasiyasına namizədliyini özünün irəli sürdüyünü vurğulayıb.
Qeyd edək ki, sözügedən filmdə Di Kaprio Rik Dalton, Bred Pitt isə onun dublyoru Kliff Butt rolunu ifa edir. Filmdə hadisələr 1969-cu ildə Los-Ancelesdə baş verir.