Zülfiyyə Quluyeva, Sputnik Azərbaycan
BAKI, 1 avqust — Sputnik. "İl ərzində üç mindən çox yetkinlik yaşına çatmayan qadınlar tərəfindən uşaqlar doğulur".
Bu sözləri Sputnik Azərbaycan-a eksklüziv açıqlamasında BMT-nin Qadınlara Qarşı Ayrı-Seçkiliyin Aradan Qaldırılması üzrə Komitəsinin üzvü Elgün Səfərov deyib. O bildirib ki, qızların erkən nikaha cəlb olunması nikahdankənar doğulan uşaqların sayını artırır: "Bu, kiçik bir rəqəm deyil. Uşaqlar tərəfindən uşaqların doğulması həmin qadınların erkən nikaha məcbur edilməsi məsələsini aktuallaşdırır".
E. Səfərovun sözlərinə görə, hazırkı ölkə qanunvericiliyinə görə, nikah yaşının azaldılması üçün istisnalar var. Bu səlahiyyətə isə rayon icra hakimiyyətləri malikdir.