BAKI, 29 iyul — Sputnik. Hindistanın Uttar-Pradeş ştatında, Lakhimpur-Kheri vilayətində sirenomeliya, yaxud su pərisi sindromlu uşaq dünyaya gəlib.
Sputnik Azərbaycan bildirir k, bu barədə The Times of India məlumat yayıb.
Körpə bir saatdan da az yaşayıb.
Nəşrin yazdığına görə, 22 yaşlı hamilə qadın xəstəxanaya şənbə günü gətirilib. Həkimlər doğuşun normal olduğunu, ancaq uşaq doğularkən şok keçirdiklərini deyiblər: körpənin ayaqları bitişik, özü isə çox zəif imiş. Bundan əlavə, onun cinsini də təyin etmək mümkün olmayıb.
Doğuşu qəbul edən həkimlər lazımi tibbi yardım göstərilməsi üçün körpəni Lakximpurun paytaxtındakı vilayət xəstəxanasına aparmağı məsləhət görüblər. Ancaq valideynlər bir qərara gələnədək körpə keçinib.