Böyük Britaniya hökuməti ölkənin Avropa İttifaqından çıxması ilə bağlı ciddi hazırlığa başlayır. Bu barədə “Sunday Times” qəzetində dərc olunmuş məqaləsində Lankaster hersoqluğunun kansleri (de-fakto xüsusi tapşırıqlar üzrə nazir) Maykl Qouv bildirib.
Politoloq Fikrət Sadıxov Sputnik Azərbaycan-a deyir ki, Boris Consonun hakimiyyətə gəlməsi “Brexit”in tezləşməsinə səbəb olacaq: “Böyük Britaniyanın Avropa İttifaqından çıxmasının müsbət və mənfi tərəfləri var. Britaniya bundan sonra müəyyən problemlərlə üzləşə bilər. Amma bu referendumun nəticəsi olduğuna görə, yerinə yetirilməlidir və məsələ bitmiş hesab olunmalıdır. B.Conson sərt yolun tərəfdarıdır və mütləq buna əməl olunacaq. Avropa İttifaqı və Böyük Britaniya münasibətləri artıq həll olunub”.
Politoloqun geniş şərhinə audiofaylda qulaq asa bilərsiniz