BAKI, 29 iyul — Sputnik. Bu gün səhər saatlarında Bakının Qaradağ rayonunda, Sahil qəsəbəsi yaxınlığında yol-nəqliyyat hadisəsi baş verib.
Sputnik Azərbaycan bildirir ki, mikroavtobusla yük avtomobilinin toqquşması nəticəsində 6 nəfər xəsarət alıb. Hadisə yerinə 6 təcili tibbi yardım briqadası göndərilib.
Səhiyyə Nazirliyindən bildirilib ki, xəsarət almış 6 nəfər Kliniki Tibbi Mərkəzə çatdırılıb. Onlardan 2 nəfərin vəziyyəti ağır, 4 nəfərin vəziyyəti orta-ağırdır.
Dövlət Avtomobil Nəqliyyatı Xidmətinin mətbuat katibi Nuridə Allahyarova Sputnik Azərbaycan-a bildirib ki, mikroavtobus müntəzəm sərnişindaşıma xəttinə daxil deyil. Şirkət fəhlələrini daşıyırmış.