BAKI, 28 iyul — Sputnik. ABŞ və Avstraliya alimləri Twitter-dəki paylaşımları təhlil edərək, insanların niyə huşunu itirənə qədər içdiyinin səbəbini araşdırıblar.
Sputnik Azərbaycan Rusiya mətbuatına istinadla xəbər verir ki, sosial şəbəkə istifadəçiləri buna səbəb kimi stressi, bayramları, iş nailiyyətləri və idman uğurlarını göstəriblər.
"Mən bu iyrənc ildə olanları unutmaq üçün huşumu itirənə qədər içmək istəyirəm" deyən istifadəçilərdən biri paylaşımında qeyd edib.
Tədqiqatçılar bildirilər ki, ya özünü unutmaq, ya da uğurlarını qeyd etmək istəyən bir çox insan nisbət hissini itirir və ertəsi gün axşamın necə bitdiyini xatırlaya bilmir. Həmçinin, alimlər az miqdarda alkoqolun sağlamlığa təhlükə yaratmadığı barədə fərziyyəni təkzib ediblər.