BAKI, 23 iyul — Sputnik. Britaniyanın Plimut şəhərinin polisləri iş başında gülüş doğuran halla qarşılaşıblar. Sputnik Azərbaycan xəbər verir ki, polislərin "Twitter" sosial şəbəkəsində yerləşdirdiyi video görüntülərdə onların dinozavr kostyumu geyinmiş adamı "təqib" etdiyini görmək olar.
Qeyd edək ki, videonu artıq 76 min adam izləyib.
Kadrlarda polis maşının dinozavr kostyumunda qaçan adamın dalınca getdiyi görmək olar. Bu an polislərin gülüşünü tuta bilmədiyini eşitmək mümkündür.
"Maraqlıdır bunların kökü necə kəsilib", - onlardan biri soruşur.
Videonun müəllifləri, həmçinin "Twitter" istifadəçilərindən "dinozavr"ın yolu nə məqsədlə keçdiyini soruşurlar.