BAKI, 22 iyul — Sputnik.Sputnik Azərbaycan-ın əməkdaşı İradə Cəlil Milli Mətbuatın 144 illiyi münasibətilə Bakı Şəhər Baş Polis İdarəsi və Bakı Şəhər Baş Dövlət Yol Polisi İdarəsi tərəfindən təşəkkürnaməyə layiq görülüb. Əməkdaşımız ictimai təhlükəsizliyin təmin edilməsi, hüquq qaydasının profilaktikası tədbirlərinin təbliğindəki xidmətlərinə görə təltif edilib.
Təşəkkürnamə polis general-mayoru Elxan Həsənov tərəfindən imzalanıb. İrada Cəlili Bakı polisi adından Bakı şəhər BPİ Mətbuat Xidmətinin rəisi, polis mayoru Elşad Hacıyev və Bakı Şəhər Baş Dövlət Yol Polisi İdarəsinin ictimaiyyətlə əlaqələr şöbəsinin rəisi, polkovnik Vaqif Əsədov təbrik ediblər.
Qeyd edək ki, 22 iyul 1875-ci ildə Həsən bəy Zərdabinin rəhbərliyi altında Azərbaycanın ilk mətbu nəşri - "Əkinçi" qəzeti işıq üzü görüb. Azərbaycan Respublikası Prezidentinin sərəncamı ilə "Əkinçi" qəzetinin nəşrə başladığı gün - 22 iyul Milli Mətbuat və Jurnalistika Günü kimi qeyd olunmağa başlayıb.