BAKI, 19 iyul — Sputnik. Xalq artisti, müğənni Yalçın Rzazadə Türkiyədə əməliyyat olunub.
Sputnik Azərbaycan xəbər verir ki, bu barədə APA-ya onun oğlu Orxan Rzazadə məlumat verib.
O bildirib ki, atası dünən axşam saatlarında əməliyyat olunub: "Əməliyyat yaxşı keçib, səhhəti stabildir, lakin ciddiliyini qoruyur".
Qeyd edək ki, Yalçın Rzazadə bir müddət əvvəl mədəsində yaranan ciddi problemlərə görə Mərkəzi Dənizçilər Xəstəxanasına yerləşdirilmişdi. Daha sonra sənətkar əməliyyat olunmaq üçün Türkiyəyə aparılıb.
Heydər Əliyev Fondunun prezidenti Mehriban Əliyevanın tapşırığına əsasən, Xalq artisti Yalçın Rzazadənin səhhəti ilə bağlı məsələləri Fond öz nəzarətinə götürüb.