BAKI, 16 iyul — Sputnik. Çeçenistanın Şelkovski rayonunda yaşayış evinin üzərinə yüngül motorlu təyyarə düşüb.
Sputnik Azərbaycan RİA Novosti-yə istinadən xəbər verir ki, hadisə təyyarənin elektrik naqillərinə ilişməsi nəticəsində baş verib.
"Hadisə kənd təsərrüfatı işləri həyata keçirilərkən baş verib. Uçuşdan sonra təyyarə elektrik naqillərinə ilişib", - regionun fövqəladə hallar idarəsinin rəsmisi RİA Novosti-yə deyib.
Məlumata görə, hadisə nəticəsində dörd nəfər xəsarət alıb. Pilotun körpücük sümüyü sınıb. Evin sakinləri isə - iki qadın və bir uşaq psixoloji şok vəziyyətində xəstəxanaya yerləşdiriliblər.
Hadisə ilə bağlı yoxlamalar başlayıb.