Ekologiya və Təbii Sərvətlər Nazirliyinin (ETSN) Xəzər Kompleks Ekoloji Monitorinq İdarəsinin əməkdaşları tərəfindən 28 iyun-04 iyul tarixlərində çimərlik ərazilərində növbəti monitorinqlər keçirilib, dəniz suyundan nümunələr götürülüb, mikrobioloji təhlillər aparılıb. Novxanı, Türkan, Hövsan, Şıx, Sahil və Sumqayıt çimərliklərinin dəniz suyu isə mikrobioloji baxımdan çirkli olduğundan çimərlik üçün qənaətbəxş deyil.
Həkim Adil Qeybulla Sputnik Azərbaycan-a deyir ki, çimərliklərdə sanitar-gigiyenik tədbirlər görülməlidir:
“Suda bağırsaq çöplərinin miqdarı təyin edilməlidir. Əslində dəniz suyunun koli-titri az olur. Buna baxmayaraq, istənilən çimərliklərdə suyun koli-titrinin normasına nəzarət edilməlidir. Dəniz sahili ərazilərin ayrı-ayrı şəxslər tərəfindən hasarlanması da sanitar normalara əməl edilməsi məsələsini sual altında saxlayır. Dövlətin müvafiq strukturları bu işə nəzarəti gücləndirməlidir”.
Həkim Adil Qeybullanın geniş şərhinə audiofaylda qulaq asa bilərsiniz