Musa Muradlı, Sputnik Azərbaycan
BAKI, 8 iyul — Sputnik. Bərdə rayon elektrik şəbəkəsinə yeni rəis təyin edilib.
Sputnik Azərbaycan-ın məlumatına görə, "Azərişıq” ASC-nin Mərkəzi Aran Regional Enerji Təchizatı və Satışı İdarəsinin Bərdə rayon Elektrik Şəbəkəsinin rəisi vəzifəsinə Daşdəmirli Fərid Səmid oğlu gətirilib. Bu barədə ASC-nin sədri Balababa Rzayev müvafiq əmr imzalayıb.
Bu gündən Daşdəmirli Fərid Səmid oğlu Bərdə rayon Elektrik Şəbəkəsinin rəisi kimi vəzifəsinin icrasına başlayıb.
Qeyd edək ki, Bərdə rayon Elektrik Şəbəkəsinin rəisi indiki təyinata qədər Ziya Quluyev olub.