BAKI, 5 iyul — Sputnik. Baham adaları yaxınlığında vertolyotun düşməsi nəticəsində 7 amerikalı həyatını itirib.
Sputnik Azərbaycan "CNN"ə istinadən xəbər verir ki, ölənlər arasında "kömür kralı" kimi tanınan amerikalı milyarder Kris Klayn (Chris Cline) da olub.
"Kömür kralı" vertolyot qəzasında həlak oldu
© © Kris Klaynın sosial şəbəkədə paylaşımı
Baham adaları polisinin verdiyi açıqlamaya görə, amerikalı sərnişinləri Floridaya daşıyan vertolyot Qrand Key adasından qalxandan qısa müddət sonra radarlardan itib.
Polis qəzada 4 qadın və 3 kişinin həyatını itirdiyini təsdiqləyib.
Qəzanın səbəbləri hələ də bilinmir. Hadisə ilə bağlı istintaq başlayıb.