BAKI, 4 iyul — Sputnik. Rusiya Prezidenti Vladimir Putin bəyan edib ki, seçkiqabağı vədlərini yerinə yetirəcəyi təqdirdə Ukrayna lideri Vladimir Zelenski ilə konstruktiv dialoq qurmağa hazırdır.
Sputnik Azərbaycan xəbər verir ki, bunu Rusiya prezidenti İtaliyanın "Corriere della Sera" nəşrinə müsahibəsində bildirib.
Putin xatırladıb ki, seçkiqabağı kampaniya zamanı Zelenski söz verib ki, Donbas regionunda olan həmyerliləri ilə birbaşa əlaqə quracaq və onları separatçı adlandırmaqdan imtina edəcək.
O, əlavə edib ki, ukraynalılar yeni prezidentdən konkret addımların atılmasını və yaxşılığa doğru dəyişikliklər gözləyirlər.