BAKI, 29 iyun — Sputnik. Yüngül çəkidə keçmiş UFC çempionu amerikalı Bi Cey Penn striptiz klubu rinqlə "səhv" salıb.
Sputnik AzərbaycanRİA Novosti-yə istinadən xəbər verir ki, klubda çox içki qəbul etdiyinə görə mühafizəçilər Penni oradan çıxarmağa məcbur olublar. Sərxoş idmançı qapının kandarına çatan kimi dərhal hücum edərək mühafizəçilərdən birini yerə yıxıb. Daha sonra ona güclü zərbələr endirməyə başlayıb. Polislər hadisə yerinə çatdıqda artıq idmançı aradan çıxmağı bacarıb. Polislər MMA çempionu ilə əlaqə saxlamağa çalışsalar da bu heç bir nəticə verməyib. Onun axtarışı davam edir.
Qeyd edək ki, Bi Cey Penn UFC versiyası üzrə keçirdiyi 32 görüşdən 16-da qələbə qazanıb. O, həmçinin ciu-citsu idman növü üzrə keçmiş dünya çempionudur.