Musa Muradlı, Sputnik Azərbaycan
BAKI, 29 iyun - Sputnik. Ölkə ərazisində axşama doğru başlayan güclü külək Bərdədə fəsadlar törədib. Belə ki, rayon sakini Vüsal Vüsalzadənin Sputnik Azərbaycanın bölgə müxbirinə verdiyi məlumata görə, Bərdə şəhərinin Bakı küçəsində güclü külək iri gövdəli tut ağacını aşırıb. Avtomobillərin və piyadaların sıx gediş-gəlişini nəzərə alsaq xoşbəxtlikdən xəsarət alan olmayıb.
Güclü küləyin yaratdığı çətinliklərdən biri də işıqların tez-tez sönməsidir. Demək olar ki, yarım saatdan bir işıqlarda açılmalar olur.
Onu da qeyd edək ki,güclü küləyin ardınca leysan yağış başlayıb.