BAKI, 24 iyun — Sputnik. Azərbaycanda icbari sığorta növləri üzrə sığorta tələblərinin vahid informasiya sistemi üzərindən mərkəzləşdirilmiş qaydada qeydiyyatının aparılması və tənzimlənməsi sistemi iyunun 28-də ictimaiyyətə təqdim olunacaq.
Sputnik Azərbaycan "Report"a istinadla xəbər verir ki, bu barədə İcbari Sığorta Bürosunun icraçı direktoru Rəşad Əhmədov bildirib.
Xatırladaq ki, bu layihənin reallaşması nəticəsində avtomobil qəzası zamanı sığorta ödənişi üçün “Forma 4” sənədinin əldə olunması avtomatlaşdırılır.